Scientific journal of the Fergana State University (ISSN: 2181-1571)

Description

Jurnal Farg‘ona viloyat Matbuot va axborot boshqarmasi tomonidan 2007 yil 12 aprelda 12-075 raqami bilan ro‘yxatga olingan. Jurnal 1995 yildan boshlab nashr etilib, unda respublikamiz oliy o‘quv yurtlari, kasb-hunar kollejlari, umumta'lim maktablarida faoliyat yuritayotgan professor-o‘qituvchilar, magistrantlar, doktorantlar, mustaqil va erkin tadqiqotchilar, pedagoglarning ilmiy maqolalari e'lon qilib borilmoqda. Jurnaldan aniq va tabiiy fanlar yo‘nalishi bo‘yicha matematika, fizika-texnika, kimyo, geografiya-tuproqshunoslik, biologiya-qishloq xo‘jaligi; ijtimoiy-gumanitar fanlar bo‘yicha iqtisodiyot, tarix, falsafa-siyosat, adabiyotshunoslik, tilshunoslik, pedagogika-psixologiya, shuningdek, “ilmiy axborot”, “taqriz-bibliografiya”, “fanimiz fidoyilari”, “adabiy taqvim”, “xotira” kabi rukunlar mavjud. Jurnal 2017 yilgacha yiliga to‘rt marta, 2017 yildan bugungacha yiliga olti martadan chop etiladi. Jurnal filologiya (№ 218/5.22.12.2015), kimyo hamda tarix (№ 239/5; 29.08.2017) fanlari bo‘yicha O‘zbekiston Respublikasi Oliy attestatsiya komissiyasining doktorlik dissertatsiyalari asosiy ilmiy natijalarini chop etish tavsiya etilgan ilmiy nashrlar ro‘yxatiga kiritilgan.